අප සපයන සේවාවන්...

ඔබේ අවශ්‍යතාව අනුව අදාළ කාණ්ඩය වෙත පිවිස පරීක්ෂා කර බලන්න. ඔබ සොයන තොරතුරු එහිදී සොයා ගැනීමට නොහැකි වූයේ නම්, අප ඇමතීමට කාරුණික වන්න.

අප අමතන්න

News & Events

24
අගෝ2018

ජාතික හැඳුනුම්පත් නිකුත් කිරීම (ගාස්තු සංශෝධනය කිරීම)

පුද්ගලයන් ලියාපදිංචි කිරීමේ දෙපාර්තමේන්තුව විසින් ජාතික හැඳුනුම්පත්...

පෞරාණික ස්ථානය පෞරාණික වැදගත්කම

පරම විචිත්‍රාරාම රජමහා විහාරය

දෙවිනුවර මහ පන්සල නමින් ප්‍රකට මෙම විහාරස්ථානය දාපුළුසෙන් රජ දවස ඉදිකර ඇත. භූමි මහා විහාරය, කිහිරැළි වෙහෙර, සඳමිණි වෙහෙර යන නම්වලින් ද අතීතයේ දී හැදින්විය. අඩි 63 ක් පමණ උස මහා බුද්ධ ප්‍රතිමාව විහාරස්ථානයේ ශ්‍රී විභූතිය තීව්‍ර කර පෙන්වයි.

දෙවිනුවර ශ්‍රී විශ්ණු දේවාලය

ශ්‍රී විෂ්ණු දෙවියන් සඳහා ඉදිවී ඇති ලංකාවේ එකම දේවාලයයි. වර්ෂ 664දී පමණ ඉදිකර ඇත. (පසුව දාපුළුසෙන් රජතුමා විසින් ප්‍රතිසංස්කරණය කරන ලදි)දෙවිනුවර පාලනය කල ප්‍රාදේශීය පාලකයකු වන දාපුළුසෙන් රජු විසින් මෙම දේවාලය සාදා ඇති බව ජනප්‍රවාදයේ පවතී. අතීතයේ මෙම දේවාලය (ගල්කණු උපයෝගී කරගෙන ) මහල් දෙකකට දැනට තිබෙන ප්‍රමාණයට වඩා විශාලව පැවතිණි.

පරසතුරු ආක්‍රමණ නිසා පෙර තිබූ දේවාලයේ ගල්කණු පමණක් වර්තමානයේ දැකිය හැකිය.මෙහි තිබූ කිහිරි ලීයෙන් තනන ලද විශ්ණු දේව රූපය 19 වන සියවස මැද භාගයේදී පරසතුරු ආක්‍රමණ නිසා දඹුල්ල රජ මහා විහාරයට ගෙනගොස් ඇත. දැනට මෙම දේවාල භූමියේ දෙවිනුවර රජමහා විහාරයද පිහිටා ඇති අතර මෙහි ඇති කෞතුක වටිනාකම පිළිබඳ මෙතෙක් සොයාබලා නැත.

දෙවිනුවර ප්‍රදීපාගාරය

ආසියාවේ උසම ප්‍රදීපාගාරය වන මෙය 1889 දී වික්ටෝරියා මහ රැජිණගේ උපන්දිනය දා විවෘත කර ඇත. උස අඩි 160 කින් සහ මුල වට ප්‍රමාණය අඩි 170 කින් යුතු අටපට්ටම් හැඩයෙන් යුක්ත මෙය ක්‍රමයෙන් ඉහළට යන විට වට ප්‍රමාණය අඩුවේ. කපා ඔප දමන ලද කළු ගලින් එය නිමවා ඇත. තට්ටු නමයකින් සහ පඩි 222 කින් යුතු මෙහි ආලෝක කදම්භය සැතපුම් 25ක පමණ දුරට විහිදේ.

ගල්ගෙය

දෙවිනුවර නගරයේ ගල්ගණේ පාරේ මද දුරක් ගිය විට ගලින් කරන ලද ගල්ගෙයක් හමුවේ. මෙය කපන ලද කළු ගලින් නිමවන ලද කාමර දෙකකින් යුත් මනරම් භූමියක පිහිටි ගෘහයකි.

ගල් ළිද

ගල්ගෙය ආසන්නයේම පිහිටි මෙය දෙවිනුවර පිහිටි විශේෂිත ස්ථානයකි. රජතුමා සහ පිරිවර දිය නෑමට පැමිණියේ මෙම ස්ථානයට යයි මතයක් පවතී.

සිංහාසන කෝවිල

දෙවිනුවර සිංහාසන පාරේ කෙළවරට වන්නට සමුද්‍රාසන්නව පවතින කුඩා දේවාලයකි. දාපුළුසෙන් රජ දවස දක්වා දිව යන මෙම ස්ථානය කතරගම දෙවියන් වැඩ සිටි බිමක් බව ජනප්‍රවාදයේ එන මතයකි.

තුන්බෝධි විහාරය

යටියන කඩවැද්දුව ප්‍රදේශයේ පිහිටි මෙම විහාරස්ථානය සුන්දර වූ පරිසරයක පිහිටා ඇත. පැරණි පිරිත් මණ්ඩප්පයක් සමග ඇති ඉපැරණි විහාරයකි.

කහ පොකුණ

දෙවිනුවර ඇසළ පූජා සමයේ බැතිමතුන් පඩුරු ආදිය සේදීමට ජලය ගන්නේ මෙම පොකුණෙන් බව ජනප්‍රවාදයේ එන මතයකි.

වන වාසල මහා විහාරය

දේවානම්පියතිස්ස රජු දවස ශ්‍රී මහා බෝධිය සමග වැඩම වූ අෂ්ඨඵල බෝධීන් වහන්සේ නමක් මෙම ස්ථානයේ වැඩ වසන බවට මතයක් පවතී.

මහ වලව්ව

පර්චස් 15ක පමණ භූමි ප්‍රමාණයක පිහිටා ඇති මෙය මැද මිදුල් තුනක වලව්වකි.

103 සැතපුම් කණුව

ශ්‍රී ලංකාවේ උසම සැතපුම් කණුව ලෙස මෙය සැලකේ.

පිංවත්ත සේපාලිකාරාමය

පැරණි බෝ කොටුවක් සහිත අනුහස් ඇති බෝධියක් මෙම ස්ථානයේ පිහිටා ඇත. සඳ ගලක් ඇති අතර එහි අක්ෂර කොටා ඇත. උඩ අපරැක්ක ප්‍රදේශයේ  මෙය පිහිටා ඇත. 

දෙවිනුවර හා ආශ්‍රිත ස්ථාන පිළිබඳ ලිපිය

දෙවිනුවර පුර වරුණ 1 කොටස

දෙවිනුවර පුර වරුණ 2 කොටස

 

 

 

 

 

 

 

 

 

 

FaLang translation system by Faboba
Scroll To Top